*كتير جدا كتبنا عن ضرورة حكم المريخ بمنهجية وشفافية
*كي نتفادي اشكالات العشوائية التي ندفع ثمنها غاليا
*فكم من محترف قبض حقو
*واستغل عدم منهجيتنا
*اشتكانا للفيفا
*وحصل علي حكم في مواجهتنا
*وكم من أجنبي لاشافنا لاشفناهو
*اشتكانا وقال عندو عقد معانا وداير حقو
*وكم من احكام داخلية كبرت لما بقت تنفيذات في مواجهتنا
*ونحن نسعي خلف الريس ابو جيب كبير وابو جيبين متوسطات عشان صحيفتي أهم من التسجيلات
*ونرحب بهم
*لانبحث عن ريس يعرف كنه الادارة الناجحة
*ويدير النادي بعالمية ترفعه لمصاف الاندية الكبيرة حقا وحقيقة لكن شريط ذلك أبعاد صديقي الطبال
*وبعد نتقدر ونجيب الريس النافش ريشو
*نشتغل معاهو بطريقة شكارتها دلاكتها وهمك تبيع صحيفتك فقط
*لمن يدمن الدلكة هو ذاتو
*وتبقي علينا قصة الدلكتو واداني ضهرو ياميزو
*انتقدنا كثيرا سياسة التلميع التي يتبعها الطبال عبد المال والدولار
*والتمييع
*وسيطرة الرجل الواحد
*وقلنا ابدا لحكم الفرد لأ
*ايها الناس
*لما طالعنا الغرايري يطير للامارات لتوقيع العقد (طبعا بعد تلميع الغرايري)
*انتقدنا الطيران للامارات
*وقلنا العقد في المكتب التنفيذي قال مابتوقع؟
*رفض التوقيع؟؟؟
*مالو المكتب التنفيذي؟؟؟
*فيهو شوك يا مزمز ؟؟
*لكن ادماننا للقرار الواحد بادعاء ان من يدفع يقرر
*الفول فوله زرعه وحده وحصده وحده يبقي(يأكله) وحده
*جعلنا نسكت علي طيران الغرايري
*اسي
*لما بقينا دايرين طيران الغرايري
*يقال ان الراتب والشرط الجزائي في السما
*ماحدش عارف العقد وشروطو غير سي السيد والطبال
*والسادة القاعدين اسي رفقة الجيبين
*معظمهم كان رفقة الجيب الواحد لكن حازم قفل البلف طوالي غيرو
*ويقال انهم لاشافوا عقد ولا عارفين ما بالعقد
*هذا الكلام اذا صدق
*سجم الراجي المريخ وراجي الطبال
*وكل ذلك يعود لبحثنا عن اب جيب ماكن يدعم صحيفتي قبل التسجيلات
*او عن ابي اكتر من جيب
*وجيب من جوة
*ايها الناس
*اليس هو الغرايري صاحب تلك السيرة العطرة المدهشة؟؟؟
*درب الصفاقسي مع منو كدة ماعارف يا طبال
*تحمل مسؤولية الفريق الفلاني في أحلك الظروف
*لما كان لاعب كان بجضمها من جضومها الاتنين يا مزمز
*اليس هو الغرايري صاحب الشخصية القوية صاحب النفطي الختاها للصيني يا طبال ؟؟؟
*بين يوم وليلة الدلكة نشفت يا مزمز يا اخوي وبقي اغبش؟؟؟
*اليس هو الغرايري الجاب الاجانب بمعرفتو براهو؟؟؟
*هم وينهم الاجانب؟؟؟
*السعيدي الفنكوش وموسيس العجوز وخلافهما لما شمس الدين قال فناكيس الطبال انتقدوا ؟؟؟؟
*الليلة ناس الدلكة لاكوهو علكة وبقي لا لعب في المنتخب ولا درب الصفاقسي؟؟؟؟
*ايها الناس
*كان الله في عون المريخ البقي يديرو صحفي طبال للدولار
*ايها الناس
*ان تنصروا الله ينصركم
*اها
*نجي لي شمارات والي الخرتوم
*تعرف يا والينا
*ناس قحت استدعوا الخجلة الفينا عقبال ما يستدعو الصحفي السمسار كل يوم مع رئيس جديد
*بتفاوضوا ورموزهم في الحراسات قابعينا
سلك كهربا
ننساك كيف والكلب قال طيب كان وهم ماشين علي طاولة المفاوضات يغشو وجدي يدوهو مخدة
والي لقاء
سلك
