الطيب عبد الماجد يكتب … جوبا مالك عليا
بجناح أمل وريش عزة حلق صقور الجديان عالياً اليوم في أجواء ( جنوب السودان ) يحملوا آمال شعب جريح وتطلعات أمة صابرة ….!!وقاموا بعملية ( إنزال ) نوعية وانتزعوا نصراً مهماً من أصحاب الارض والجمهور …!!
حيث استقبلتهم جوبا ( الودودة ) والخرطوم ( عيانة )
ووالله نحن مع الطيور المابتعرف ليها خرطة
بس في ( إيدا جواز سفر ) …!!
(حملوه وعبروا به الحدود بختمي دخول وتعذر ختم الخروج فقد دخلوا بتأشيرة ( زيارة ) في نزال الإخوة ولقاء الشعوب
وردد أهل الجنوب السلام الوطني السوداني فوصلنا
صوتكم بهياً ناصعاً في كل الأصقاع ..وجوبا شلتي عينيا …
والسودانيون الغارقون في أوجاعهم تطلعوا بعين الرجاء
وروح الانتصار الى منتخبهم وهو يتصدر المجموعة ويقترب اكثر من تماس العالم …
والسودان الجريح يتألم ويئن …
إلا الشعوب الحية عصية علي الفناء
وعاصفات المِحْن ….
وإلا باكر يا حليوة لما أطفالنا السمر يبقو أفراحنا البنمسح
بيها أحزان الزمن …
مبروك أيها الحمر الميامين ..
اهديتمونا انتصار وسط الموت والدمار …!!
ورفعتم معنويات شعب جبار
و ( هاردلك ) للإخوة في دولة ( جنوب السودان ) ويكفي ان إسم السودان يتشاطر اللقاء …!! وقد جمعنا ( شريان ) ودار
وارجوك يا نسيم روح ليهو باشواقي صرح ليهو
والأغرب كمان قول ليهو
مع شغفي وميولي عليهو
في تعذيبي برتاح ليهو
شكرا صقور الجديان
فاليوم حرب وغداً سودان
